Во соседна Србија во последните 24 часа се регистрирани 238 новозаболени, починаа пет лица, со што вкупниот број заболени од почетокот на епидемијата досега изнесува 29 471, а вкупно починаа 670 луѓе.
Во Косово од 421 теста во последните 24 часа регистрирани се 145 нови случаи, а за истиот период починале девет луѓе, со што вкупната бројка досега е 11 275, а бројот на починати е 390. Во Бугарија се регистрирани 174 нови случаи, осум лица починале. Вкупната бројка на заболени кај источниот сосед сега е 14 243, а на починати 492.
Земјите воведуваат нови рестрикции за патувањата поради коронавирусот
Хрватска денеска регистрира 162 новозаболени со коронавирусот и двајца починати, што е помала бројка од претходните два дена, 180 во четвртокот и 208 во петокот. Со ова вкупната бројка на заболени од почетокот на пандемијата досега се искачи на 6420, а бројот на починати е 162.