Авганистанските власти соопштија дека четворица војници загинале при вооружен напад на Талибанци во централниот дел на државата. Нападот се случил утринава во областа Пато, провинцијата Даикунду, која е релативно мирна област во висорамнина. Локалните власти соопштија дека при судирот со Талибанците, загинале четворица авганистански војници и 12 милитанти. Засега никој не презеде одговорност за нападот.
Вчера вкупно 15 цивили загинаа во одделни напади и инциденти во три области. Во последниве неколку недели се убиени стотици припадници на безбедносните сили на Авганистан, при напади кои и натаму ги организираат Талибанците.
Претседателот на Авганистан Ашраф Гани на 6-ти јули предупреди идека продолжувањето на насилството од страната на Талибанците претставува „сериозна закана“ за мировниот договор.