Грција од утре ги затвора границите за српските државјани, јави телевизијата Н1. Веста ја потврди и српскиот министер за трговија, туризам и телекомуникации, Расим Љајиќ. Причината за такавата одлука на грчките власти е поради епидемиолошката ситуација во Србија и големиот број на тестирани лица од земјата во Грција кои биле позитивни на коронавирус.
Шефот на српската дипломатија Ивица Дачиќ претходно најави дека е можно затворање на грчките граници за српските државјани. Грција од 1 јули ги отвори границите за странски државјани.