Лидерот за Самоопределување и поранешен вршител на должноста премиер на Косово Албин Курти изјави дека новата влада, предводена од функционерот на Демократскиот сојуз на Косово (ЛДК) Авдулах Хоти е бескорисна и додаде дека тој ќе ја продолжи борбата и набргу ќе се врати во извршната власт.
Курти, исто така, рече дека нема да прифати примопредавање со некој што го разрешил додека бил премиер. Тој повтори дека е неприфатлива неодамнешната одлука на Уставниот суд за указот на косовскиот претседател Хашим Тачи да го назначи Хоти за мандатор.