Нови 37 заболени од Ковид 19 регистрираше денеска Институтот за јавно здравје. Во изминатото деноноќие не се регистрирани починати пациенти како последица на Ковид-19. Вкупната бројка на ковид дијагностицирани во нашата земја од почетокот на епидемијата изнесува 1.978, бројката на оздравени пациенти е 1.422, на починати е 113, а во моментов бројот на активни случаи во земјата изнесува 443.
Досега во земјата се направени вкупно 25.270 тестирања на ковид -19. Од вкупниот број направени тестови во изминатото деноноќие 188 теста се во рамките на скринингот. Т Денеска со скринингот е потврден еден позитивен случај кај вработен во геронтолошка установа во Скопје. Досега со скринингот направени се 2.248 тестирања на Ковид-19, а регистрирани се три позитивни случаи на ковид-19.