Честит Велигден: Молитва во храмовите, свеќи на балконите
На прв ден Велигден, вратите на православните храмови беа ширум отворени, но согласно мерките за заштитата од пандемијата, верниците останаа дома. Така беше и во Соборниот храм во Скопје.
На богослужбата во Соборниот храм во Скопје денеска беа само свештениците, како и во другите православни храмови во државата.
На утринската велигденска молитва беа само новинарските екипи...
... и полициските патроли во близина на храмовите.
Главната Велигденска литургија и синоќа и денеска беше во Соборната црква Свети Климент Охридски во Скопје.
Со Велигденската литургија чиноначалствуваше поглаварот на МПЦ-ОА, владиката Стефан.
Во литургиската поворка со светиот оган беше само свештенството.
И синоќешната полноќна литургија беше без верници во храмовите. Тие на полноќ излегоа со запалени свеќи на балконите и на прозорците.
Најмногу верници со свеќи на балконите синоќа имаше во зградите во непосредна близина на Соборната црква во Скопје.
Христос воскресна - Навистина воскресна
Навистина воскресна