Францускиот претседател Емануел Макрон го поддржа генералниот директор на СЗОТедрос Адханом Гебрејезус, при што наведе дека “одбива да ја види таа организација притисната меѓу Кина и Соединетите држави”. Претходно, американскиот претседател Доналд Трамп се закани дека САД ќе го суспендираат финансирањето на Светската здравствена организација, обвинувајќи ја дека не реагирала добро на пандемијата на коронавирусот и оти е премногу пристрасна спрема Кина.
Трамп - „СЗО навистина ја оплеска“
Генералниот директор на СЗО Гебрејезус реагираше со оценката дека не треба да се политизира сегашната пандемија и оти никогаш СЗО не била пристрасна спрема некоја земја.