Светската трговија оваа година ќе забележи пад меѓу 13 и 32 отсто поради пандемијата на коронавирусот, што е повеќе отколку во 2008 година кога изби светската финансиска криза, оцени денеска Светската трговска организација (СТО).
Трговската размена, која веќе е отежната поради тензиите меѓу Кина и САД, и неизвесноста поврзана со Брегзит, ќе забележи двоцифрен пад во речиси сите региони во светот, а Азија и Северна Америка би можеле да забележат пад од над 40 отсто. Европа и Јужна Америка може да забележат пад од над 30 отсто.
Генералниот директор на СТО, Роберто Азаведо, ги повика политичките претставници да почнат да прават планови за периодот после епидемијата. Според СТО, оваа криза „веројатно ќе има поголеми последици за трговијата отколку меѓународната финансиска криза од 2008 и 2009 година.