Пакистанската влада ги усвои новите правила за регулирање на содржините на социјалните мрежи кои според критичарите им даваат можност на властите да ги замолчуваат неистомислениците и да ја загрозат слободата на говорот.
Законот бил потврден од федералниот кабинет кон крајот на минатиот месец, без јавна консултација, а медиумите за него дознаа вчера. Текстот предвидува компаниите кои стојат зад социјалните мрежи да се сметаат за одговорни за спречување на пренесување во живо на каква било содржина која е поврзана со „тероризам, екстремизам, говор на омраза, клеветење, лажни вести, поттикнување на насилство и загрозување на националната безбедност“.
Потегот доаѓа во време на обвинувања дека Владата на премиерот Имран Кан врши цензура врз медиумите и ги замолчува опонентите.