Либискиот генерал Калифа Хафтар ја напуштил Москва без да го потпише договорот за прекин на огнот, со кој требаше да се стави крај на неколку месечната битка во таа северно-африканска држава, соопшти денеска руското министерство за надворешни работи.
Фајез ал-Сарај, кој е на чело на либиската влада која е признаена од Обединетите нации и Калифа Хафтар, командант на самопрогласената Либиска национална армија пристигнаа вчера на мировни разговори во Москва. Двете спротиставени страни не се сретнаа директно, туку нивните делегации имаа седумчасовни средби зад затворени врати со дипломати и воени официјални лица од Русија и Турција.
Вечерта, рускиот министер за надворешни работи и неговиот турски колега, Сергеј Лавров и Мевљут Чавушоглу рекоа дека ал-Сарај го потпишал нацрт-мировниот договор, но дека Хафтар барал дополнително време да го разгледа.