Најмалку осум лица загинале откако потона брод со 15 мигранти кај западниот брег на Турција, соопшти денеска турското Министерство за внатрешни работи. Меѓу настраданите имало и три жени. Бродот потонал во близина на провинцијата Мугла. Според информациите на министерството, во тек е потрага по исчезнатите мигранти во која учествуваат крајбрежната стража, хеликоптер и авион, како и тим нуркачи.