Судот во Бишкек го прифати предлогот за одмрзнување на банкарските сметки на Киргистанскиот сервис на Радио Слободна Европа, локално познат под името Азатик, на еден нивни дописник и на киргистанскиот информативен портал Клуп.
Претходно Судот им ги замрзна сметките по нивното заедничко новинарско истражување за широко распространетата корупција во царинската служба во земјата и масовниот одлив на готовина.
Влијателно киргистанско семејство, кое е во центарот на наводите за корупција поднесе тужби против медиумите, обвинувајќи ги за клевета. Семејството Матраимов денеска побара Судот да им ги одблокира сметките на медиумите и новинарите, но остануваат на ставот дека ќе ги тужат.
Минатиот месец киргистанското обвинителство отвори истрага за да ги потврди наводите што ги објавија медиумите.