Врховниот шиитски свештеник во Ирак, ајатолахот Али Систани ја осуди употребата на сила против антивладините демонстранти и ги повика демонстрантите да го отфрлат насилството и вандализмот.
За време на протестите загинаа најмалку 350 луѓе, а илјадници се повредени. Ајатолахот вели дека парламентот и сегашната влада треба да го преиспитаат своето однесување и да постапат во интерес на земјата.
Граѓаните излегоа на протести со барање да се намали невработеноста, да се стави крај на корупцијата и да се подобрат јавните услуги.
За време на вчерашните судири меѓу безбедносните сили и демонстрантите убиени се 33 луѓе.
Ирачката војска соопшти дека во неколку провинции биле формирани кризни штабови кои ќе се обидат да воведат ред и безбедност.