Министерството за здравство информира дека до вчерашниот ден закажани се 20.069 граѓани за бесплатна вакцинација за наредните денови во трите поликлиники Букурешт, Чаир и Ѓорче Петров во рамки на Здравствениот дом во Скопје и низ центрите за јавно здравје во целата држава.
Од институцијата истакнуваат дека во моментов има доволно количини на вакцини за сите оние кои сакаат бесплатно да се вакцинираат, а дополнително, треба да пристигнат и 14.400 дози од вакцините. Од министерството додаваат дека здравствените установи се добро организирани и има одзив од граѓаните за вакцинација.