Бизнисменот Орце Камчев, кој е осомничен во случајот Империја, побарал уште еден времен пасош, оти сегашниот времен пасош со рок од шест месеци, му истекува утре. Овојпат Камчев бара пасошот да има траење од 12 месеци, за да патува на состаноци во други држави. Камчев како осомничен во Империја остана без двата пасоша, македонскиот и бугарскиот и користи времен пасош.
Империја како случај на СЈО го водеше обвинителката Лиле Стефановска, а таа продолжува да го води и откако предметите на СЈО потпаднаа под Обвинителство за организиран криминал. Сега таа треба да се произнесе за барањето за пасош.