Денеска во правосудството нема влијанија, нема телефонски јавувања, нема состаноци за да се прават влијанија, рече премиерот Зоран Заев во Собранието, одговарајќи на пратеничко прашање поставено од пратеникот од ВМРО-ДПМНЕ Антонијо Милошоски.
„Сè што работиме на средбите со судии и обвинители, се зајакнување на нивните капацитети“, рече Заев.
Тој нагласи дека должност на секој судија е да испорача правна држава и правда во оваа земја, онака како што тоа го пропишува Уставот и законот за делокругот на неговото работење, а ако некој судија и обвинител трпи влијание тоа гласно да го зборува.
Исто така на прашање на Милошоски, Заев рече дека тие што го прекршиле законот и го оштетиле буџетот ќе одговараат, а секој што е невин ќе ја доживее потврдата за својата невиност.