Околу 300 руски припадници на воена полиција пристигнале во Сирија за да го спроведуваат планираното патролирање во пограничното подрачје со Турција, соопштија руските власти. Патролирањето е дел од договорот меѓу Москва и Анкара.
Руското Министерство за одбрана денеска соопшти дека воената полиција и оклопните возила биле пренесени од базите во Русија во Сирија.
Русија и Турција се договорија курдските сили да се повлечат 30 километри од пограничната област на североистокот од Сирија, а руските и сириските сили да го надгледуваат повлекувањето. Руската воена полиција на 23 октомври ги спроведе првите патроли.