Обединетите нации денеска ја одбележуваат годишнината од стапувањето во сила на Повелбата на ООН во 1945 година. Со ратификувањето на овој основачки документ од мнозинството нејзини потписнички, вклучувајќи ги и петте постојани членки на Советот за безбедност, Обединетите нации и официјално ја започнаа работата. 24 октомври се прославува како Ден на Обединетите нации од 1948 година. Во 1971 година, Генералното собрание на Обединетите нации им препорача земјите-членки да го сметаат овој ден како државен празник.