Вкупно 157 луѓе биле убиени за време на неодамнешните антивладини протести во Багдад и во други ирачки градови, покажува официјалната истрага. Комитетот надлежен да го испита насилството денеска соопшти дека за време на масовните протести загинале 149 цивили и осум припадници на безбедносните сили, при што само во Багдад загинале 111 луѓе.
Демонстранти излегоа на протести на 1 октомври против високата невработеност, лошите јавни услуги и распространетата корупција.
Истрагата на Комитетот покажала дека најголем дел од луѓето загинале од истрели од куршуми.
Комитетот препорачува надлежниот за операцијата за одговор на немирите во Багдад и десетици други полициски службеници да бидат отпуштени од работа. Во извештајот се наведува дека командантите изгубиле контрола над своите сили за време на протестите, што предизвикало хаос.
Извештајот е објавен денеска, додека Ирак се подготвува за нови антивладини протести планирани на 25 октомври.