Лидерот на британската опозицијата, Џереми Корбин изјави дека неговата партија не може да го поддржи договорот за Брегзит. Лабуристичка партија не може да го поддржи договорот постигнат меѓу Европската унија и британскиот премиер Борис Џонсон, рече Корбин.
Тој вели дека како што стојат работите не може да го поддржат договорот, а не е ни јасно дали Џонсон има поддршка од неговите сојузници.
Запрашан дали ќе побара да се гласа недоверба на владата на Џонсон на вонредната седница планирана за в сабота, Корбин вели дека на седницата треба да се разговара за договорот за Брегзит, а за другите прашања ќе се зборува следната недела.
Корбин исто така изјави дека овој договор е полош од оној кој го постигна Тереза Меј и затоа треба да се отфрли.
Лидерите на Демократската унионистичка партија на Северна Ирска, кои се партнери на Џонсон во владата, пред да биде соопштена веста дека е постигнат договор, соопштија дека нема да поддржат договор, затоа што не може да ги прифатат работите што се однесуваат на царинските политики, како и за други прашања за кои е постигната согласност.