Високиот комесар на ОБСЕ за националните малцинства Ламберто Заниер го посети македонскиот претседател Стево Пендаровски. Според соопштението од кабинетот на Пендароски тие двајца разговарале за ангажманот и поддршката на ОБСЕ за унапредување на меѓуетничките односи во Република Северна Македонија, во контекст на евроатлантските интеграции. Пендаровски истакнал дека земјава е успешен и позитивен пример во регионот со својот пристап кон градење на односи на толеранција и соработка меѓу различните етнички заедници, се вели во соопштението од претседателскиот кабинет.