Во Словенија биле регистрирани 9.801 нелегален мигрант во првите осум месеци од оваа година. Само во август имало 2.352 обиди за нелегално преминување на границата, што е највисоко месечно ниво, соопшти Министерството за внатрешни работи.
Според полицијата тоа укажува дека има пораст на илегална миграција, иако не толку силна како во годините на масовната мигрантска криза 2015/2016. година.
Повеќето мигранти оваа година биле од Пакистан , потоа од Авганистан, Мароко , по што следат оние од Бангладеш, Иран, Сирија, Турција и други земји од Блискиот исток и Африка.
Минатата година, за осум месеци, словенечката полиција уапси 5.899 нелегални мигранти, а годинава во истиот период 9.801. Бројот на оние што ќе решат да бараат меѓународна заштита во Словенија во однос на лани е зголемен – во првите осум месеци беа поднесени 2.098 барања за азил, а оваа година 2.577 година.