Смената на американскиот советник за национална безбедност Џон Болтон претставува „јасен знак“ дека не успеала американската кампања за санкционирање на Иран, оцени официјален Техеран. Американскиот претседател го отпушти Болтон, а во пораката на Твитер наведе дека не се согласувал со многу негови предлози. Односите меѓу САД и Иран се посебно затегнати од минатата година кога Трамп реши да ги повлече САД од меѓународниот нуклеарен договор и повторно да воведе санкции врз Иран.
