Преметот „Траекторија“ на СЈО, односно судењето за постапката за избор на компанија за изградба на автопатиштата Миладиновци-Штип и Кичево-Охрид продолжува на 16 септември. Претходно Судот ги одби барањата на одбраната за изземање на специјалната јавна обвинителка Катица Јанева и Лиле Стефанова за случајот и постапката продолжи со изведување на материјални докази.
Случајот „Траекторија” се наоѓа во доказна постапка и во него се обвинети поранешниот премиер Никола Груевски, на кого му се суди во отсуство, екс-министерот за транспорт и врски Миле Јанакиески, поранешниот вицепремиер Владимир Пешевски и екс-директорот на ЈП Државни патишта Љупчо Георгиевски.
Според обвинението на СЈО, обвинетите во втората половина на 2012 година и во текот на 2013 година презеле повеќе дејства со кои во постапката за избор на компанија за изградба на автопатиштата Миладиновци – Штип и Кичево – Охрид ги искористиле и пречекориле своите овластувања. Со тоа му нанеле штета на Буџетот од најмалку 155 милиони евра.