Крис Патен, последниот британски гувернер на Хонг Конг, денеска предупреди дека интервенција на Кина во Хонг Конг би била катастрофа и дека кинескиот претседател Си Џинпинг треба да покаже мудрост во обединување на народот, објави Би-Би-Си.
„Тоа би било катастрофа за Кина, и секако за Хонг Конг. Уште од моментот кога дојде на власт претседателот Си, секаде има тренд на гушење на незадоволството и дисидентските гласови. Партијата контролира се“, изјави Патен за радио Би-Би-Си.
Тој додаде дека е контрапродуктивно Кинезите да предупредат за „други методи“ освен ако не престанат протестите.