Министерот за одбрана на Турција Хулуси Акар изјавил дека Анкара очекува во втората половина на август или во септември да биде реализирана втората испорака на одбранбениот ракетен систем С-400, пренесува весникот „Катимерини”.
„Бидејќи беше прекинат Договорот за нуклеарните сили со среден и помал дострел Турција ќе има сè поголема потреба од системите С-400“, изјавил Акер.
Воените претставници на САД и НАТО долго време се спротивставуваа на Турција за купувањето на С-400 од Русија, велејќи дека тоа не е компатибилно со воените системи на сојузот и дека ќе ги загрози новите авиони Ф-35 што ги користи Западот.
Откако Русија почна со испорака на компоненти на системот С-400 на Турција, Вашингтон реагираше и ја исклучи Турција од својата борбена авионска програма Ф-35.