Романскиот министер за финансии Еуген Теодорович изјави дека земјата има потреба од еден милион работници. На конференцијата во Букурешт посветена на ситуацијата со вработувањето во Романија, министерот истакна дека речиси 5 милиони Романци заминале во странство, а има и многу кои работат на црно.
Теодорович истакна дека некои мерки преземени од страна на властите успеале да вратат романски работници во нивната родна земја, давајќи го како пример градежниот сектор.