Најголеми штети од невремето кое го погоди Преспанскиот регион имало во селата кои гравитираат кон граничниот премин „Маркова нога“: Штрбово, Наколец, Крани, Долно Дупени и Љубојно. Во невремето со силен дожд, ветер и град, е предизвикана голема материјална штета и се отсечени села. Невремето траело околу половина час, а ги уништило и земјоделските култури.
Министрите за земјоделство, шумарство и водостопанство Трајан Димковски и за внатрешни работи Оливер Спасовски денеска ќе ги посетат автокампот Крани, село Наколец и околните села.