Американскиот заменик државен секретар за политички прашања Дејвид Хајл денеска се сретна со рускиот заменик министер за надворешни работи Сергеј Рјабков во Хелсинки. Тие разговараа за односите меѓу САД и Русија како и за влијанието на регионалните предизвици во Европа, Блискиот исток и Азија, се вели во соопштението од Стејт Департментот. Портпаролот на Стејт Департментот Морган Ортагус посочи дека нивниот претставник во разговорите истакнал дека иако САД се обидува да ги намали разликите и да ја поттикне соработката со Русија, негативните активности на Москва и натаму се пречка во напредокот во билатералните односи.
Рјбаков изјави дека тој и Хејл разговарале и за Венецуела меѓу другите прашања но не успеале да се согласат за темата. Тој повтори дека Русија нема никакви трупи во Венецуела и дека не гледа потреба да разговара со Вашингтон за тоа ако испрати свои експерти таму.
Русија жестоко го поддржа венецуелскиот претседател Николас Мадуро и ја снабдува Венецуела со оружје и заеми.