Српскиот министер за надворешни работи, Ивица Дачиќ изјави дека забрана на влез на сите српски официјални претставници на територијата на Косово е без преседан.
„Ова што го направија властите во Приштина е потег без преседан и уште една шлаканица, не на Белград, туку пред се на ЕУ и на меѓународната заедница, кои бесрамно молчат на кршењето на сите цивилизациски норми што со години ги спроведуваат Рамуш Харадинај и Хашим Тачи“, изјави Дачиќ за „Вечерње новости“.
Според него, со забраната Приштина сака уште повеќе да го изолира српскиот народ од какво било влијание на Белград.