Поранешниот шеф на УЕФА, Мишел Платини денеска е приведен од страна на француската полиција за доделувањето на Светското фудбалско првенство на Катар во 2022 година. Француското обвинителство од 2016 води истрага за случајот за корупција, заговор и влијание. УЕФА не даде коментар за притворањето на Платини. Неговиот адвокатски тим соопшти дека Платини е невин.
Одлуката во декември 2010 година за доделување на Светското првенство во Катар изненади многу, со оглед на недостатокот на потенцијална локална публика за игрите, исклучително топлото летно време и слабите резултати на националниот тим на земјата. Тоа ќе биде првата арапска држава која ќе биде домаќин на такво првенство.