Собранието на Србија денеска ќе ја почне седницата на која претседателот Александар Вучиќ ќе поднесе извештај за Косово. На седницата нема да дојде дел од опозицијата која и натаму го бојкотира парламентот и која истекнува дека седницата за Косово е „уште една измама“ на актуелната власт и „фингирање на дијалогот“. Од опозицијата наведуваат дека граѓаните нема ништо ново да слушнат од претседателот Вучиќ. Владејачкото мнозинство пак, оценува дека со недоаѓањето на седницата опозицијата покажува дека воопшто не и грижа за Косово. Расправата се очекува да трае два дена.
