Од 18 часот во седиштето на СДСМ се одржува централниот одбор на владејачката партија. Како што неофицијално се брифира на седницата се разрешени генералниот секретар Александар Кирацовски, а на истата позиција не се ниту шесте потпретседатели Оливер Спасовски, Дамјан Манчевски, Фросина Ташевска-Ременски, Петре Шилегов, Мухамед Закири и Благој Бочварски. Седницата е се уште во тек, а се очекува изјава на претседателот на СДСМ и премиер Зоран Заев. Седницата следува по најавите на премиерот Заев за смени во партијата и во владата и другите ресори по незадоволителните резултати на првиот круг од претседателските избори.