Портпаролката на Државната изборна комисија, Љупка Гугуческа соопшти дека најголема излезност за претседателските избори во дипломатско конзуларните пртставништаво Европа засега има во Прага, 23,4 отсто, а најниска во Истанбул, 3,57 проценти. Според неа, гласањето се одвива тековно и без проблеми.
Таа информира дека денешното гласање во затворите се одвива непречено и до 10 часот правото на глас го искористиле 22 проценти. Прв пат за претседателските избори се гласа и во два старечки дома, и притоа 71 лица имаат право да искажат својата поддршка.
Денеска, своето право на глас можат да го остварат 1640 лица во казнено-поправните домови и лица кои се во притвор, седум внатрешно раселени лица, како и 3583 немоќните и болни кои го побарале тоа од општинските изборни комисии.