На веб страницата на Владата денеска ќе бидат објавени потпишаните документи при неодамнешната посета на грчката делегација на чело со премиерот Алексис Ципрас на Северна Македонија. На страницата vlada.mk јавноста ќе има пристап во оригинална верзија до Акцискиот план, што го потпишаа премиерите Зоран Заев и Алексис Ципрас, документ пропишан и во Преспанскиот договор, со структура на целата идна соработка во девет области во однос на примената на договорот.
„Ќе биде објавен и Меморандум за соработка во ЕУ, потпишан од вицепремиерот за европски прашања Бујар Османи и алтернативниот министер за надворешни работи за ЕУ од грчка страна. Со тој документ се утврдуваат сите идни соработки во однос на искористеност
на ЕУ фондови, претпристапни преговори и „ноу хао“ што Грција ќе ни го овозможи на нас во рамки на нашиот пат кон ЕУ“, соопшти владиниот портпарол Миле Бошњаковски.