Европската унија денеска додаде осум руски официјални лица на својата листа на санкции, за нивна вмешаност во фаќањето на трите украински воени бродови и 24-те членови на екипажот во близина на теснецот Керч во ноември.
Москва соопшти дека трите украински воени бродови нелегално влегле во руските води, трвдење кое го негираше Киев и беше поддржано од поголемиот дел на меѓународната заедница.
ЕУ ги воведе санкциите кон Русија по нејзиното нелегално анектирање на украинскиот Полуостров Крим во март 2014 година, а набргу потоа почна да ги поддржува и сепаратистите во источна Украина со оружје и дфуги средства, во конфликтот во кој од април 2014 година загинаа околу 13 илјади лица.