Пакистан го повика својот амбасадор од Њу Делхи на консултации во Исламабад поради зголемените тензии меѓу двете соседни земји кои имаат нуклеарно вооружување, соопшти Министерството за надворешни работи на Пакистан.
Потегот следува откако неколку десетици индиски парамилитанти и војници беа убиени во два одвоени инциденти.
Во последната денешна вооружена пресметка во регионот Кашмир се убиени четири индиски војници и еден цивил. Вчера, пак, во самоубиствен бомбашки напад во истиот регион, кој е администриран од Индија, загинаа 41 парамилитант.