Лидерот на ДУИ Али Ахмети ја честиташе 11 годишнината од независноста на Косово која, како што посочува, е најновата држава во Европа пред завршните предизвици за градење на државноста.
„Секој од нас има дадено придонес за најголемото национално постигнување, слободна, демократска и независна држава, Косово. Затоа, секој од нас што работел за овој ден, денес посакува да го види ова наше заедно достигнување, Косово, членка на ООН, НАТО и ЕУ, со развиено добрососедство и во благосостојба“, напиша Ахмети во честитката.