Премиерот Зоран Заев денеска на конференцијата за безбедност во Минхен се сретнаа со косовскиот премиер, Рамуш Харадинај. Двајцата премиери, како што соопшти владината прес-служба, изразиле големо задоволство од односите меѓу двете земји меѓу кои не постои отворено прашање и изразиле подготвеност да настојуваат на зацврстување и на проширување на соработката во многу области, особено во делот на соработката и размената на информации за безбедносни прашања.
Харадинај упатил честитки до Заев за потпишувањето на протоколот за членството во НАТО и изразил надеж дека неговата ратификација ќе заврши многу брзо.
Новата реалност на Западен Балкан е од особено значење за целиот регион, било истакнато на средбата и означува момент кој ќе придонесе и мирот и стабилноста како основа за севкупен и економски развој на регионот во целина, информира владината прес-служба.
На средбата била потврдена и натамошната заемна поддршка меѓу двете земји за европските аспирации како стартешки интерес за граѓаните.