„Сандеј тајмс“: Меј ќе го одложи гласањето во Парламентот за договорот за Брегзит

Британската премиерка Тереза Меј се очекува да го одложи закажаното за вторник клучно гласање во Парламентот за договорот за Брегзит и на почетокот од следната недела да замине во Брисел на нови разговори, објави „Сандеј Тајмс“. Весникот цитира „министри и помошници“, според кои Меј денеска ќе објави дека го одложува гласањето. Многумина предвидуваа дека таа ќе загуби на гласањето и министрите се загрижени дека поразот може да доведе до пад на Владата, пишува весникот. Меј следната недела ќе замине за Брисел за да упати последен повик до Европската унија за подобри услови во договорот за излез на Велика Британија, со цел да добие поддршка од пратениците.