Грчкото Движење за обнова бара Министерството за надворешни работи на Грција да дознае од македонскиот премиер Зоран Заев кои грчки бизнисмени се обиделе да подмитат и кого сакале да поткупат за попречување на Договорот Македонија - Грција.
Портпаролот на партијата- коалиција на ПАСОК и Демократска левица, Павлос Христидис, во писмената изјава вели дека чекаат од грчката влада известување за случајот со руските дипломати.
„Министерството за надворешни работи треба да го направи она што е очигледно. Да стапи во контакт со господинот Заев за да дознае кои грчки бизнисмени се обиделе да подмитат и кого. Уште очекуваме известување за тоа што се случи со руските дипломати“, вели портпаролот на Движењето за промена.