Српската полиција распиша потерница за исчезнати лица по новинарот Стефан Цветковиќ откако било пронајдено неговото напуштено возило.
„Во полициската станица во Бела Црква ноќеска е пријавено за паркирано возило марка Поло, на кое била отворена вратата и вклучени светлата“, соопшти МВР на Србија.
За случајот е известено Обвинителството и полицијата по Цветковиќ интензивно се трага, јавуваат српски медиуми.
Цветковиќ работеше на извештаи за убиството на косовскиот политичар Оливер Ивановиќ и во мај оваа година беше задржан на преминот Јариње и спроведен до полициска станица на информативен разговор. Во февруари во Белград одржа прес конференција „Колку чини ликвидација на север на Косово“, и покажа фотографии од лица кои, наводно, биле вмешани во ликвидација на Ивановиќ и изнесе тврдења дека атентатот бил платен 40.000 евра.