Саудиска Арабија ги повика лидерите на арапските земји на нивниот годишен состанок, на единствен став спрема Иран, додека регионалните сили се борат за превласт во војните во Сирија и Јемен. На самитот во саудискиот град Дахран, саудискиот крал Салман на лидерите на Арапската лига им изјави дека Иран бил виновен за нестабилноста во регионот поради неговото мешање во прашањата на други земји. Кралот Салман го повтори и противењето на Саудиска Арабија на американската одлука да ја премести амбасадата од Тел Авив во Ерусалим.
