Неколку илјадни луѓе денеска излегоа во центарот на главниот град на Украина Киев за да бараат ослободување на опозицискиот лидер Михаел Саакашвили од притвор и да побараат оставка од претседателот на Украина Петро Порошенко. Министерството за внатрешни работи соопшти дека околу 2500 луѓе учествувале во протестот од кој се побара и оставка од главниот обвинител Јуриј Лутсенко.
Тие се собраа во паркот Шевченко во главниот украински град и маршираа до Плоштадот на независноста, па потоа отидоа пред затворот во кој во притвор се наоѓа лидерот на движењето Нови сили. Поранешниот грузиски претседател е притворен од украинските власти од 8 декември под сомнение за помагање на криминална организација поврзана со руски заговор. Тој ги негираше обвинувањата.