Украинци денеска маршираат низ центарот на Киев со барања за ослободување на опозицискиот лидер Михаил Саакашвили од притвор и за импичмент на претседателот на Украина Петро Порошенко. Повеќе од 2000 луѓе се собраа во паркот Шевченко во главниот украински град и ќе маршираат до Плоштадот на независноста.
Сопругата на Саакашвили, Садра е меѓу учесниците на маршот. Насобраните планираат потоа да отидат пред затворот во кој во притвор се наоѓа лидерот на движењето Нови сили. Поранешниот грузиски претседател е притворен од украинските власти од 8 декември под сомнение за помагање на криминална организација.