Претседателот на Зимбабве Роберт Мугабе изјави на синоќешното обраќање на националната телевизија дека останува на таа функција и покрај притисоците да поднесе оставка. Извори блиски на преговорите меѓу Мугабе и војската претходно најавија дека тој ќе поднесе оставка по 37 години на власт. Мугабе рече дека ќе остане на местото шеф на државата барем до конгресот на владејачката партија Зану-ПФ во идниот месец. Тој е сменет од функцијата претседател на партијата, а даден му е рок до денеска да поднесе оставка и на функцијата претседател на Зимбабве.