Сириската војска со поддршка на Русија ја вратила контролата врз градот Деир ел Зор од милитантите на Исламската држава, соопшти Сириската опсерваторија за човекови права. Информацијата се уште не е официјално потврдена, но сириските медиуми јавија дека војската напредувала во овој најголем град на истокот на земјата на границата со Ирак. Според Сириската опсерваторија, борбите биле прекинати и сега се спроведувала операција на деминирање. Силите на сириската влада со поддршка на руски авиони од септември водат офанзива за овој град.