Шефот на косовската дипломатија Пацоли во Скопје

Косовскиот министер за надворешни работи Беџет Пацоли денеска во Скопје ќе оствари средба со неговиот домаќин, шефот на македонската дипломатија Никола Димитров, а ќе биде примен и од претседателот на Собранието Талат Џафери како и од премиерот Зоран Заев. Се очекува на средбите, како што соопштуваат од МНР, да бидат разменети мислења за прашања од заеднички интерес, со акцент врз интензивирање на севкупната билатерална политичка и економска соработка. Посетата, според соопштението, ќе биде искористена и за размена на мислења околу актуелните меѓународни прашања, како и за соработката во рамките на мултилатералните и регионалните организации.