Тилерсон бара од Ирачаните и Курдите да ги надминат разликите

Американскиот државен секретар Рекс Тилерсон за време на ненадејнета посета на Багдад побара од лидерите на Ирачаните и Курдите да почнат разговори за крај на нивниот спор и за намалување на тензиите во земјата. „Имаме пријатели и во Багдад и во Ербил и ги охрабруваме двете страни да влезат во дијалог“, изјави Тилерсон. Ирачките и Курдските лидери не попуштаат во нивните ставови во врска со референдумот за независност на курдскиот северен дел на Ирак. Багдад и Обединетите нации референдумот го прогласија за незаконски.