СДСМ денеска се огласи дека во Македонија после долг период за првпат имаше фер, регуларни и слободни избори на кои граѓаните гласаа по сопствено убедување и без притисоци.
„Резултатите покажаа како изгледа Македонија кога граѓаните гласаат слободно и кога целосно се почитува нивната избирачка волја“, се наведува во партиското соопштение.
СДСМ ја повикува опозициската ВМРО-ДПМНЕ да се одважи, да им честита на граѓаните за мирните и фер избори и да го признае изборниот пораз.